اغنية عالممر ..المواطن مصري.. عرض مستمر علي حدود مصر
سينا اللي في اي منهج من المناهج التعليمية في مصر عبارة عن حتة صحرا
تقع في قارة اسيا والبوابة الشرقية ولا الغربية مش عارف ..المهم
وخير اللهم اجعله خير دي كانت حتة ارض والاسرائيليين دخلوها .
بس الحمد لله ربنا بعت المخلص حسني مباك اللي حرر سينا منهم بضربته
الجوية المهلبية الضربة اللي كانت ...الي اخرمن هذا الهرت في الكتب.
المناهج اللي عمرها مكتبت كام واحد مات في سينا ولا حتي تذكر اي معلومة
عنها او عن الارض اللي عدد الرمل فيها بيساوي عدد الجنود اللي ماتوا فيها
من ساعة ما سينا اتكتب عليها انها تبقي تبع مصر.
واقتصرت كل حاجة علي ان مبارك هو اللي عملها ودي وجهة نظر مقبولة
تعتمد علي ان حسني مبارك حكم مصر في 30 سنة فاكيد ال30 سنة دي حصل
فيها كتير..30 سنة مش شوية يعني .
اغنية علي الممر الفيلم اللي شوفته وانا طفل في عيد تحرير سينا وبعدها اختفي
تماما وبالصدفة لقيته عالنت ومتصنف "ممنوع من العرض"..في الوقت اللي كونت
وانا صغير اروح منطقة الشيخ زويد وازور منطقة الصخرة اللي الناس كانت فاكراها
اثر تاريخي ونتصور ونبص عالكلام المكتوب عليها ونفرح والمدرسين ييجوا يتصوروا
معانا ..مهي كانت رحلة بقي ..رحلة مدرسة لطلبة مصريين بيقودهم فيها مدرسين
مصريين عشان يزورا صخرة اكتشفت لما كبرت ان تحتها رمز من رموز اسرائيل
ايه يعني طيارين اسرائيليين وقعوا في المنطقة دي ودنوهم فيها وضموها لمعاهدة
السلام محدش يقدر يحركها نص مللم..والا اسرائل هتحط علينا.
بقيت مش عارف صوري هنا وانا صغير اخليها ولا ارميها في بكابورت.
كان احساس انك خدت البعبو....علي سهوة.
لكن اكتشفت الحل...
الهوب ميخليش الدمعة تفط.
نرجع للفيلم الي حتي في نهايته رسملنا صورة للمصري اللي بيدافع عن بلده
وهو عارف انه هيموت ومفيش حد هينجده ...بالعكس ده هيموت ومحدش هيعرف
انه مات ازاي وليه.
الفيلم من بدايته معاناه لخمس عساكر بيحاربوا من غير لا ميا ولا اكل ولا حتي معلومات
عن اللي بيحصل في الجيش.....الغريب ان الخمسة ماتوا.
لكن الاغرب ان الظباط اللي ماتوا من كام يوم برضو عددهم خمسة .
وواضح ان اغنية الفيلم اللي من انتاج عام 1972 محدش نسيها..
................................................................
المواطن مصري انتاج 1991 قصة يوسف القعيد ..الفيلم اللي بيكمل حقيقة اللي
حصل عالحدود .
هنلاقي العسكري عبد الله محمود اللي راح الحرب واستشهد عشان العيل السيس
خالد النبوي يقضيها مع الحريم وامه تظغطه..هنلاقيه استشهد ومحدش حتي
عرف يدفنه باسمه الحقيقي او ياخد حقه.
في نهاية الموضوع مش عاوز استنتج رياضيا ان الفيلمين سناريو واحد
وعرض مستمروالدليل العساكر اللي ماتوا من غير ماحد يعرف يجيب حقهم.
والمجلس العسكري اكتفي بتقديم عرض لليهود/ خش حدودنا وهديك اوفر تقتل
5 عساكر هدية .
تابع...
دلع عيني دلع .....القذافي خلع
اجمل التعليقات عن القذافي منذ سقوطه
- عاجل| العقيد القذافي يلقى خطابا بعد قليل يعلن فيه مقتله
- يرجى عند القبض علي القذافي تسليمه لقناة موجه كوميدي
- لو كان عمرو مصطفى وتوفيق عكاشة هم سلاحف النينجا
فالقذافي هو المعلم رشدان "مثل صيني"
- اكس وأبنائه لا يموتون أبدا!
- رويترز: القناة الليبية توقفت عن البث، والثوار يسيطرون على مبنى التلفزيون
عندهم فضائية عندهم فضائية
نصيحتي لليبيا -
. احذروا أي حاجة فيها نعم ولا
. أو لفظ مجلس عسكر
، أو عجلة
أو فلول..أو فئوية
أو استقرار
أو ثقة مطلقة في كذا
- يبدو أن القذافى غادر كوكب الأرض وعاد إلى مجرته الكونية في كوكب زحل
- نصيحة لأخوانا في ليبيا
لو عندكم حد اسمه
احمد زبايدر
أو عمرو مصطفى
ولعوا فيهم من غير مناقشه هاتوفروا حرق دمكم
- عودة النت بهذه السرعة في ليبيا ملهوش غير معني واحد . . إن القذافي ابن الغبية كان شايل فيشة الراوتر
تابع...
انهم اناس يصومون
البوست ده بمناسبة افطار الثوار الصايمين في عز اول يوم في رمضان علي يد الشرطة العسكرية ومن والاهم
من الداخلية من ظباط وبلطجية...ده مش سجع والله دي حقيقة.
التاريخ / اول يوم في رمضان......المكان / كالعادة ميدان التحرير...الحدث/ حفلة شواء او ممكن تسميها افطار جماعي
للصايمين علي ايد الشرطة العسكرية زات الرداء الاحمر..واللون الاحمر ده مش لون طاقية وجاي من فراغ ده لون الدم.
والبوست ده مكانش في دماغي غير لما بفتح التلفزيون من كام يوم كدة لقيت مسلسل علي الزيبق .
مسلسل علي الزيبق بيشرح حالة مصر ايام المماليك ممكن نقول القرن الوحد والعشرين مثلا ....سوري اقصد
القرون الوسطي,والحق يقال اللي عمل اللي بني مصر كان في الاصل حلواني ...لاء ممكن نقول حرامي افضل.
وبالمثل ممكن من المقولة الاولي نستنتج "ان اللي كتب تاريخ مصر كان في الاصل واحد حافظ مش فاهم".
لان نفس الاحداث هي هي مفيش اي بصمة "امل" او تغيير .
ابو بكر عزت في دور سنجر الكلبي بيمثل ابن الحرام اللي بيظهر في كل عصور مصر وهو بيمثل راس الاجهزة
الامنية اللي بدورها التلقائي بتقوم بالسرقة وتعذيب الناس و...الخ. وزارة الداخلية بمعني اصح.
المماليك اللي معاه هما هما وكأن تاريخ مصر "كوبي بيست" ظباط وامناء الغير اناء بالمرة وفس الدماغ الزفرة
يعني احا لو قولنا اننا ابناء سام ابن نوح عليه السلام ..نقدر نقول ان الشرطة المصرية والاجزة الامنية بوجه عام
احفاد ابو جهل ..فرعون ..الشيطان...اي واحد ربنا غضبان عليه وعلي نسله وخلاص.
المقدم دليلة "ليلي فوزي " بعتقد انها بتمثل جلش الشعب المنحل او ممكن احمد عز او صفوت الشريف .
الوالي طبعا في المسلسل والحاجة اللي كان غريبة ان كان فيه اكتر من والي ...لكن في الحقيقة مكانش عندنا في مصر
لمدة بسيطة 30 سنة غير والي واحد فقط هو المتهم محمد حسني السيد مبارك.
اما السلطان او الخليفة فنقدر نقول امريكا لاننا كدول عربية بناخد اوامرنا جيش وشعب من الباب العالي امريكا.
لكن حتي في المسلسل نقدر نقول ان سنجر الكلبي ودليلة والوالي رغم انهم كانوا بيفسدوا لاغراض شخصية وكانوا
مجوس وعاوزين يدمروا المسلمين لكن نقدر نقول انهم كانوا بيحافظوا علي املاك السلطان والمسلمين..
لكن اللي نفسي اعرفه الشرطة عندنا والرئيس والمشير بيعملوا كدة ليه؟؟؟
بيحضرني في هذا قول الزعيم عادل امام في فيلم النوم في العسل / بوس وبوستي لعب ولعبتي .
قصدي اقول الرئيس والمشير والوزير العالم دي فلوس وسرقت ..نسوان واتنيلوا معاهم بالعبيط..اراضي ونهبوا
عاوزين ايه اكتر من كدة!!!!
نرجع تاني لموضوعنا وهو المتظاهرين اللي انضربوا في رمضان ولو جينا نتفحص ونتمحص ...هنجد ان الوضع كالاتي
ناس مسلمين زيينا بيحضروا للفطار اول يوم نوع من انوا الاحتفال.
الشرطة العسكرية عاملة اجتمال وبيشربوا سجاير وخمر ونساء وهكذا... واحد منهم من بني الاشلخ يقول / الناس دول صايمين
وهيقرفونا.
احد الفلوس / اخرجوهم من التحرير انهم اناس يصومون.
وبسرعة يدور العساكر في "القاموس الوجيز في القمع والتعذيب" ويلاقوا ان كلمة اخرجوهم في لغة العسكر تعني فطروهم
وطلعوا دين ابوهم.
في الحال ينطلق العسكر مع اذان المغرب للاجهاز علي الصائمين في الميدان .
وعجبي.
اكواد